ජාතික උරුමය කළමනාකරණය පිළිබඳ සංවාදාත්මක දේශන මාලාව

ජාතික උරුමයේ අයිතිය මෙන්ම වගකීමක් සැමටයි…

ජාතික උරුමය වනාහි ජාතියේ හෘදසාක්ෂියයි. හෘදසාක්ෂිය පිළිබඳ වගවීම සැමගේ යුතුකමකි, වගකීමකි. එබැවින් ම මෙම ජාතික උරුමය පිළිබඳ කථිකාව ශික්ෂිත සමාජයේ සියලු පාර්ශවවල අනුලංඝනීය වුවමනාවක් විය යුතු බව පුරාවිද්‍යා හා උරුම අධ්‍යයනයේ අදහසයි, අපේක්ෂාවයි.

එබැවින් වත්මන් ලක්දිව උද්ගත වී ඇති උරුම කථිකාව සමඟ ඓන්ද්‍රීය සහසම්බන්ධය ශ්‍රී ලාංකික ජාතියේ සැමගේ යුතුකමක් වශයෙන් සලකා ඊට අදාළ වේදිකාවක් සැපයීම සඳහා ජාතික උරුමය පිළිබඳ සංවාදාත්මක කථිකාව දියත් වේ.මෙරට ප්‍රමුඛ පෙළේ සමාජ ක්‍රියාකාරික් සය දෙනෙකුගේ අදහස් ඔස්සේ මෙරට උරුම කථිකාව පෝෂණය කිරීමේ සුබවාදි බලාපොරොත්තුවෙන් මහාචාර්ය ජගත් වීරසිංහ, අරුන් සිද්ධාර් ථන්, මතුගම සෙනෙවිරුවන්, මහාචාර්ය නිර්මාල් රංජිත් දේවසිරි, ජ්‍යෙෂ්ඨ කථිකාචාර්ය මුෆිසල් අබුබකර් හා ආචාර්ය ගාමිණි විජේසූරියගේ අදහස් සඳහා මෙම සංවාදාත්මක කථිකා දියත් වේ.

මෙම වැඩසටහන පුරාවිද්‍යා හා උරුම අධ්‍යයන ආයතනයේ අධ්‍යක්ෂක වරුන් වන අනුරාධ පියදාස හා චන්දිිම අඹන්වල විසින් ‌මෙහෙයවනු ලබයි.

මෙම දේශන මාලාව 2023 ජුලි 07 සිට 2023 ජුලි 25 දක්වා සෑම අගහරුවාදා හා සිකුරාදා ම රාත්‍රී 08.00 සිට 10.00 දක්වා පැවැත් වේ.

දේශන පෙල ගැස්ම